სადაზღვევო კომპანია ალდაგი ბისიაი ჰოსპიტალური სექტორის განვითარების პროგრამის ფარგლებში იმერეთის რეგიონში ერთდროულად რამდენიმე კლინიკების მშენებლობას ჩაუყრის საფუძველს. ალდაგი ბისიაი 6 კლინიკის აშენებას გეგმავს. ამ პროექტის ჯამური საინვესტიციო ღირებულება დაახლოებით  8 მლნ. აშშ. დოლარს შეადგენს.

საერთაშორისო სარეიტინგო სააგენტომ FitchRatings-მა ქართული ბანკების 2010 წლის რეიტინგები გამოაქვეყნა. სააგენტომ დაადასტურა თიბისი ბანკისადმი 2009 წელს მინიჭებული რეიტინგი და ბანკს კვლავ ,,B+" კატეგორია, პროგნოზი – სტაბილური მიანიჭა.

კომპანია „აი–ბი–ეს“–ის  სპეციალისტების მიერ „მეგატექნიკას“ ინტერნეტ–მაღაზიის პროექტზე მუშაობა დასრულდა. ინტერნეტ–მაღაზია CMS–ის „1C-ბიტრიქსი: საიტის მართვა“ (რედაქცია „მცირე ბიზნესი“) ბაზაზე შეიქმნა.

დღეს, 14:00 საათზე, ვისოლი ბათუმში მომსახურების ახალ ცენტრს გახსნის. მომსახურების ცენტრი, რომელიც ქალაქის ცენტრში - რუსთაველის 41-ში განთავსდა, როგორც კორპორაციულ, ასევე კერძო პირებს მოემსახურება. 

7 აგვისტოს ვისოლის ”ტორპედო ქუთაისის” გულშემატკივრებს 1 თვის მუშაობის შედეგები გააცნო.  გუნდის ახალმა მფლობელმა ლეგენდარულ საფეხბურთო კლუბ "ტორპედო ქუთაისს"   უპირველეს ყოვლისა ისტორიული სახელი დაუბრუნა და მისი განვითარებისათვის ყოველწლიურად 2 მილიონამდე ლარის ინვესტიციას გეგმავს.

ქ. ზუგდიდში, უახლესი ტექნიკით აღჭურვილი, ახალი თხილის ქარხანა გაიხსნა, სადაც 180 ადამიანი დასაქმდა. ქარხანა ქართულ-კანადური ინვესტიციით რამდენიმე თვეში აშენდა.

2010 წლის 5 აგვისტოს, ეროვნული ბანკის 91-დღიან N31, სადეპოზიტო სერტიფიკატების აუქციონზე 12 288 000 ლარის ნომინალური ღირებულების ფასიანი ქაღალდები გაიყიდა.

2010 წლის 5  აგვისტოს, ეროვნული ბანკის 7-დღიან N31, რეფინანსირების სესხების აუქციონზე  180 000 000 ლარის ნომინალური ღირებულების სესხი გაიცა.

აზიის განვითარების ბანკმა (Asian Development Bank) საქართველოს 300 მლნ. აშშ დოლარის ოდენობის სესხი გამოუყო.

სესხი 32 წლიანი ვადით გამოიყო. საშეღავათო პერიოდი - 8 წლით, ხოლო წლიური საპროცენტო განაკვეთი 1%-ით განისაზღვრა.

რიკოთის საუღელტეხილო გვირაბზე სარეაბილიტაციო სამუშაოები მიმდინარეობს. პროექტი ითვალისწინებს: გვირაბის გზის სავალი ნაწილის რეაბილიტაციას; ჰიდროიზოლაციის სისტემის შეცვლას უახლესი ტექნოლოგიების გამოყენებით; ხანძარსაწინააღმდეგო, სავენტილაციო, განათებისა და ელექტროუზრუნველყოფის სისტემების მოდერნიზებას და საკანალიზაციო სისტემების განახლებას; ვიდეოკამერების დამონტაჟებას სადღეღამისო მონიტორინგის რეჟიმით; გვირაბში მოძრაობის ორგანიზებისა და უსაფრთხოების ღონისძიებების ევროპულ სტანდარტებთან შესაბამისობაში მოყვანას.